Безнең үзешчәннәр – Иске Майнада

2018 елның 17 мае, пәнҗешәмбе

Район үзешчән артистлары Ульяновск өлкәсе Иске Майна районында концерт куйдылар.
Алар күрше район тамашачыларына үзләренең иң яхшы чыгышларын күрсәттеләр. “Волжские зори”, “Любо”, “Болгар таңнары”, “Кантилена”, “Серебряная подкова” дуэты, “Булгарочка” хореография коллективы, солистлар Евгений Кременсков, Ольга Лобанова, Рөстәм Холмирзоев, Сарыйм Насыйбуллин, Рамилә Исхакова, Варвара Лисюк, Михаил Баландин, Камилла Вафина һәм башкаларның һәр чыгышы тамашачыларның көчле алкышларына күмелеп барды.
Безнең район делегациясе белән башкарма комитет җитәкчесе урынбасары Елена Афоньшина, шәһәр башкарма комитеты җитәкчесе Алексей Тюленев, мәдәният бүлеге җитәкчесе Фәрхат Низамов җитәкчелек итте.
Иске Майна районы башлыгы   Василий Половинкин  безнең үзешчәннәргә ихластан зур рәхмәт белдерде, аларга киләчәктә иҗади уңышлар теләде һәм район Мәдәният йорты, Балалар иҗат йорты һәм Балалар сәнгать мәктәбе  коллективларына  Рәхмәт хатлары тапшырды. Рәхмәт хаты белән истәлекле бүләк район башлыгы Камил Нугаевка да бирелде.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International